二零二六年三月十三日
今年嘅第一份生日禮物，竟然係嚟自我嘅強積金供應商——冇睇錯，你冇聽錯！
成日留意強積金市場動態嘅我（梗係啦），成日都會諗：究竟供應商有咩板斧可以吸引成員多啲留意自己嘅計劃？點知，生日前㩒開永明強積金個app，竟然見到有得換免費生日蛋糕。強積金送蛋糕？呢鋪真係成功吸引我注意！
講真，大部份人對強積金嘅態度都係「掉埋一邊唔理」，當咗係個塵封嘅夾萬，等到65歲先肯望吓。退休？嗰個係「未來嘅我」先要煩惱嘅問題。所以，大家都好少先會登入睇吓結餘、check吓基金。而呢個免費蛋糕，正正係一個聰明到極嘅方法，吸引你登入個app。要成員哪怕係望吓自己個強積金戶口一眼，對計劃供應商嚟講都係一大挑戰，而用生日蛋糕嚟引誘你，呢條橋又真係幾有趣！
當然，成個計劃又唔止得個蛋糕咁簡單。佢用獎賞鼓勵你登入戶口，仲有啲小遊戲，等你喺玩嘅過程學多啲退休規劃同基金知識。你肯花幾分鐘諗吓自己嘅財務未來，佢就送你現金券——我覺得呢個交易都幾抵！而且獎賞仲唔係一次過就冇，平時都有機會換到Uber現金券，喺百佳、迪卡儂、茶木呢啲成日去嘅地方消費都有折扣。將一個咁長遠嘅退休戶口，同買餸有折呢啲即刻感受到嘅著數連埋一齊，的確係一個聰明嘅做法，令成件事冇咁離地。
其實，啲免費禮物只係個引子。真正嘅目的，係想大家認真望吓自己個強積金，發現原來管理退休戶口都冇想像中咁難。坦白講，「強積金」三個字，聽落都唔似「好玩」。我哋個個都忙，退休又好似好遙遠。但我哋真係要關心㗎！用一個小小嘅即時獎賞，引誘你完成一件沉悶嘅任務，係一個經典嘅習慣建立技巧——就好似成日同自己講，搞掂埋件事就去嘆杯咖啡咁。
呢個計劃，可以令成員對自己嘅強積金有多啲了解，慢慢改變心態，由覺得係苦差，變成一件留意吓都有回報嘅事。
注意事項：此生日蛋糕優惠需通過永明強積金手機應用程式換領，且成員必須先登記成爲獎賞會員計劃的會員，方符合資格。此優惠僅供獲邀成員參與，請參閱永明網頁以了解計劃詳情。
原來，真係可以一邊嘆蛋糕，一邊規劃未來㗎！
本博客內容僅供教育參考，性質屬一般資訊，並未考慮個人實際狀況。讀者應自行評估資訊是否切合自身需要，並在適當情況下徵詢財務顧問的專業意見。
