2026年2月23日
強積金計劃點樣玩大啲？
講到強積金計劃，而家已經唔係淨係睇基金表現咁簡單喇。供應商都積極求變，用創意方法去照顧好成員——無論係透過新科技、更好嘅教育，甚至係一啲額外優惠嚟吸引大家。但係，有樣嘢成員永遠都好關注嘅，就係收費！
收費睇落唔大，但管理得好長遠嚟講可以令你回報靜靜雞增長。大部分強積金收費都用嚟支付一啲基本開支，好似投資管理、保管人、受託人同行政費用等等——簡單嚟講，就係維持你個基金順利運作嘅幕後工作。呢啲費用會以「基金開支比率」（Fund Expense Ratio, FER）呈現，即係基金價值有幾多百分比用咗嚟俾費用。老實講，你俾嘅費用越少，自己袋返嘅就越多。
所以，今次真係要特別讚下宏利，佢哋正採取一啲重大舉措去回饋成員。
宏利嘅減費計劃
由2026年2月6日開始，宏利已經將「宏利環球精選強積金計劃」旗下所有29隻成分基金嘅管理費降低。減幅介乎9%至22%，惠及超過二百萬名成員。對於強積金成員嚟講，即係少啲錢俾咗費用，多啲錢留喺你嘅退休金荷包度。
但佢哋禮遇仲未完！作為全新「宏利尊尚PLUS優惠」計劃嘅一部分，佢哋仲會透過兩項出色嘅優惠，獎勵忠實成員並鼓勵大家加強額外供款：
- 根據資產總和減少費用： 你儲得越多，費率就越優惠。
- 額外按參與年資回贈： 成員每5年可以賺取回贈，而喺強積金年資滿20年或達到退休年齡（65歲）後，更可以每年獲得獎勵。
回贈會按月計算，每年入賬，第一年會自動登記。由2027年起，成員可以喺佢哋嘅生日月份登記，繼續享有獎勵。
整合個人帳戶 優惠加碼
宏利亦推出「額外單位回贈計劃」，旨在獎勵將強積金個人賬戶整合到宏利嘅成員。運作方式如下：
- 轉移利益，賺取回贈： 將HK$500,000或以上嘅強積金由其他供應商轉移到宏利，你就有機會賺取高達HK$90,000嘅回贈。
- 保單或投資帳戶持有人額外優惠： 如果你本身有宏利嘅保險或投資賬戶，你仲可以喺標準回贈之上，額外獲得15%嘅回贈。
- 大抽獎： 轉移HK$100,000或以上嘅成員，仲可以參加大抽獎，有500份獎品等緊你，總值高達HK$900,000。
呢個推廣活動由2026年2月6日開始，至2026年4月30日結束，成功轉移必須喺2026年6月30日或之前完成。
成員有咩着數？
宏利嘅呢啲舉措，正正突顯咗強積金供應商點樣可以超越基本服務，為成員提供真正嘅價值。透過減免費用、獎勵成員，以及鼓勵整合賬戶，佢哋正幫助成員最大化佢哋嘅退休儲蓄，同埋養成積極管理嘅習慣。
總言而之，最重要都係留返多啲自己賺嘅錢——而好似宏利呢啲供應商就證明咗，喺呢個過程中，佢哋可以俾到成員多一份禮遇。呢個係雙贏局面：俾少啲費用，自己袋多啲！
本博客內容僅供教育參考，性質屬一般資訊，並未考慮個人實際狀況。讀者應自行評估資訊是否切合自身需要，並在適當情況下徵詢財務顧問的專業意見。
